عدد المساهمات : 206 تاريخ التسجيل : 29/09/2009 العمر : 36
موضوع: سيادة النواب المبجلين افتكرونا يارجالة الإثنين ديسمبر 07, 2009 10:13 am
طيب نقول السلام عليكم ورحمة الله وبركاته
طبعا كلنا عارفين ان انتخابات مجلس الشعب قربت
علشان كده الاعضاء المصونين او اللي عايزين يبقو اعضاء افتكرو اهالي المنايل وافتكرو ان في عيد
كتر خيرهم كل مامشي في شارع الاقي يافتة مكتوب عليها الحاج فلا او الاستاذ فلان يهني اهالي المنايل بحلول العيد
والله فيهم الخير انهم افتكرونا دلوقتي
بس نسيو ان في ناس كتير محتاجة نص القماش اللي بيعلقوه دعاية ليهم علشان يلبسوه
علشان يكسو بيه عيالهم اللي في المدارس
نسيو اننا بقالنا سنين بنشرب في مية المجاري
نسيو اننا لما الكهربة بتقعد يوم عندنا مش بتقتطع بيبقي يوم عيد
هههههههههههههههه فاكرينا شوية فلاحين جايين من تحت الجاموسة قبل الانتخابات بكام شهر افتكرونا
زغرتي ياللي مانتش غرمانة
بنقولهم هنا كل واحد هيبان ويظهر علي حقيقته
كل واحد عمل حاجة حلوة لقرتنا هنكتبها
كل واحد كان بيتكلم ومبيعملش هنقول
ان شاء الله لغاية ميحين وقت الانتخابات
هيكون منتدانا وصل عدد اعضاؤه لمئات الاعضاء
هيكون مفيش بيت في قريبتنا او القري اللي جنبها فيه نت الا لما يكون بيدخل علي منتدانا
ساعتها نقول الله المستعان عليكم ياطالبي كرسي مجلس الشعب بدون مقابل
BlackViroS
professeur عضو مجلس ادارة المنتدي
عدد المساهمات : 363 تاريخ التسجيل : 30/09/2009
موضوع: رد: سيادة النواب المبجلين افتكرونا يارجالة الإثنين ديسمبر 07, 2009 6:16 pm
موضوع رائع واحنا كنا عايزين نتكلم فيه وكويس انك اتكلمت عنه لان كل الناس مستنيا العضو اللي هيحققهلها طلباتها
وان شاء الله هنختار الاصلح وان شاء الله يحل كل مشاكل القرية
الناظر مشرف قسم التنمية
عدد المساهمات : 63 تاريخ التسجيل : 04/11/2009
موضوع: رد: سيادة النواب المبجلين افتكرونا يارجالة الثلاثاء ديسمبر 08, 2009 3:18 pm
موضوع جميل وسوف اشارك فية في وقت اخر
لكني اقترح تغيير العنوان
وحذف ما به من سب
لاننا نريد منتدي راقي
ولان شبابنا شباب ذو اخلاق
mr.sayed عضو خبير
عدد المساهمات : 89 تاريخ التسجيل : 09/10/2009 العمر : 38
موضوع: رد: سيادة النواب المبجلين افتكرونا يارجالة الثلاثاء ديسمبر 08, 2009 3:52 pm
بلاش اسم سيد وخلي اسم تاني0 وشكرا
ahmedsalah عضو خبير
عدد المساهمات : 413 تاريخ التسجيل : 25/10/2009 العمر : 32 الموقع : «--(¯`v´¯)--«شباب المنايل»--(¯`v´¯)--»
موضوع: رد: سيادة النواب المبجلين افتكرونا يارجالة الأربعاء ديسمبر 09, 2009 3:43 am
الناظر مشرف قسم التنمية
عدد المساهمات : 63 تاريخ التسجيل : 04/11/2009
موضوع: رد: سيادة النواب المبجلين افتكرونا يارجالة الأحد ديسمبر 13, 2009 4:25 pm
اقدم لكم مفاتيح للتفكير في هذا الموضوع بطريقة صحيحة
أولا : ما دور أو وظيفة مجلس الشعب ؟ وبالتالي ما هو دور عضو مجلس الشعب ؟
ثانيا : ما هي الخدمات التي تحتاجها قرية المنايل ؟
ثالثا هل هذه الخدمات ضمن أعمال عضو مجلس الشعب ؟
رابعا : هل تم إخبار عضو مجلس الشعب بهذه الخدمات ؟ ومن الذي اخبره بها ؟ وما هو رده ؟
خامسا : في ضوء ما سبق يمكن الحكم هل قام العضو المنتخب عن الدائرة بدوره أم انه لم يتذكرنا إلا عند الانتخابات ؟
سوف تفاجأ بنتيجة هي أننا نحن الذين لم نتذكر أنفسنا وطلباتنا إلا عند الانتخابات
وللحديث بقية
أرجو المشاركة من الجميع
BlackViroS عضو مجلس ادارة المنتدي
عدد المساهمات : 206 تاريخ التسجيل : 29/09/2009 العمر : 36
موضوع: رد: سيادة النواب المبجلين افتكرونا يارجالة الأحد ديسمبر 20, 2009 5:44 pm
*وظبفة مجلس الشعب انه ساحة بتناقش فيها مشاكل الناس وبالتالي كل عضو بيحاول يحل مشاكل الدائرة الممثل ليها
*المنايل للاسف حالها يصعب عالكافر من رشاح عايز يتردم جايبلنا الامراض ولا المية اللي بنشربها اللي مخلوطة بالمجاري ولا الكهربة اللي بيبقي عيد عندنا لو قعدت يوم مش بتقطع
*لو مكنتش الخدمات دي مسؤل عنها عضو مجلس الشعب امال مين اللي مسئول بجبلنا ابسط حقوقنا
*اكيد تم اخباره من قبل المناصرين له وطبعا النتيجة واضحة لا شيئ تغير
* انا عارف ان كلامي هيزعل ناس كتير بس ماوسخ من ستي الا سيدي يعني الاتنين زيهم زي رجل الكرسي واللي يزعل يزعل انا بقول الحق
موضوع: رد: سيادة النواب المبجلين افتكرونا يارجالة الأحد ديسمبر 20, 2009 6:01 pm
انا معاك يا بلاك في الكلام ده الواحد بجد نفسه الكلام اللي بيتقال اثناء الانتخابات يتنفذ بعد الانتخابات متخلص
احنا يدوب بتخلص الانتخابات وتظهر نتيجتها بنلاقي الكلام اتبخر ومفيش اي حاجه بتحصل
فأتمني من اي عضو ينجح انه يظبط بلدنا بجد من القرف اللي عايشين فيه دحنا العزب بقوا احسن مننا
بجد نفسنا نشوف تغيير
meka عضو مجلس ادارة المنتدي
عدد المساهمات : 904 تاريخ التسجيل : 06/10/2009 العمر : 33 الموقع : shababelmanayl.TK
موضوع: رد: سيادة النواب المبجلين افتكرونا يارجالة الأربعاء ديسمبر 23, 2009 9:37 am
دول ناس داخليين مجلس الشعب علشان يخدموا نفسهم مش علشان يخدمونا قبل الانتخابات يلفوا البلد هنا وهنا علشان ياخدوا الاصوات وبعد لما ينجحوا هههههه انسانى ومفيش عضو بيدخل مجلس الشعب بيخدم اى حد