سايق عليك النبى

سايق عليك النبى ماتقولش غير الله
ع الظالم المفترى وابن الحرام اياه
وكل فاسد رفع فى ارضها مبناه
وكل من كلمته فى صفحته ماساه
وكل من سبتك بالهليمان والجاه
وكل من هدها فى عزها بغاه
وكل واحد نهب فى رزقنا لغناه
وكل صاحب عمل لو ما تقاش الله
سايق عليك النبى يا محترم قول اه
وعلى صوتك اوى ليقولوا:لا ده معاه
نسمعها صرخة الم مش ملحسة للشاه
سايق عليك النبى تشرحلنا معناه