واحد نفسه يعيش 100 سنه

المريض: يا ترى يا دكتور أنا ممكن أعيش لحد ما يبقى عندي 100 سنة؟

الطبيب: أنت بتدخن أو بتشرب أو بتتعاطى؟

المريض: لأ أبداً، عمري ما شربت سيجارة أو كأس ولا حتى شديت نفس من شيشة

الطبيب: بتلعب قمار؟

المريض: لأ، ولا حتى كوتشينة ولا دومينو ولا شطرنج

الطبيب: بتسهر قدام التلفزيون أو الفيديو أو الدش؟

المريض: ولا بأفتحهم من أساسه

الطبيب: ولا بتسهر على القهوة؟

المريض: ولا عمري عتبتها برجلي

الطبيب: بترهق صحتك ونظرك بالقراءة كتير؟

المريض: بالعكس، أنا أطيق العمى ولا أطيقش الكتب

الطبيب: طيب بتقعد كتير قدام الكمبيوتر أو الأنترنت؟

المريض: كمبيوتر؟ أشوف إيه؟

الطبيب: طيب بتسافر على طريق خطر أو بتسوق كتير؟

المريض: أنا لا عندي عربية ولا بأسافر من أصله؟

الطبيب: طيب بتلعب أي رياضة عنيفة أو مرهقة؟

المريض: ولا عمري عتبت نادي، وما لعبتش حاجة من أيام ثانوي

الطبيب: بتصلي؟

المريض: يوم الجمعة بس

الطبيب: أمال عايز 100 سنة تهبب فيهم إيه
-
منقول للامانه

تحياتى

نيس

» دا رقم موبيلك واتحداك ان طلع غير صحيح اى واحد يدخل يشوف
» كل واحد يخلي باله من بنطلونه (مقطع مضحك )
» مدرسة المنايل الابتداية رقم واحد
» ازاي ترذل علي واحد نايم؟؟؟
» وجه الشبه بين الحمار والارنب على راى واحد محشش