«--(¯`v´¯)--«شباب المنايل»--(¯`v´¯)--»


 
الرئيسيةس .و .جالتسجيلدخول

شاطر | 
 

 مـتـبـقـآش خـنـيـق

اذهب الى الأسفل 
كاتب الموضوعرسالة
BlackViroS
عضو مجلس ادارة المنتدي
عضو مجلس ادارة المنتدي
avatar

عدد المساهمات : 206
تاريخ التسجيل : 29/09/2009
العمر : 30

مُساهمةموضوع: مـتـبـقـآش خـنـيـق   الثلاثاء نوفمبر 24, 2009 7:15 am

بسم الله الرحمن الرحيم


السلام عليكم ورحمه الله وبركاته

طبعا كلنا عارفين المثل اللي بيقول
" اللي اختشوا ماتوا "
هم فعلا ماتوا
من زمان .

انا النهارده عايز اتكلم في موضوع الغيره
بس مش الحكايات بتاعت الافلام وقصص الف ليله وليله .


لا الغيره اللي انا بتكلم عليها هي الغيره علي الاهل وعلي البيت .
اللي هي ضاعت وتوفاها الله من بتاع خمناشر تمناشر سنه " الله يرحمها "
امثله .

الاخ لما يدخل اوضه اخته ويلاقيها ماليه الحيطان بصور تموره حسني
وحاطه السماعات علي ودانها وسرحانه مع اغنيه " عنيه بتحبك وقلبي
بيحبك دا يبقي ايه "
دا يبقي مياصه وقله ادب ..... ومع ذلك يبقي فاتح
بقه بابتسامه عريضه ويقول انتي مش هتسيبك من تامر بتاعك ده
وركزوا علي كلمه بتاعك تروح هي تقوله انا بحب تامر جدا يروح
باصص لها زي الاسد ويقول ايييييييييييه بتقولي ايه دا هيثم شاكر
برقبته .(بيفهم اوى الاخ ف الموسيقى)
الله عليه راجل ولا كل الرجاله .

..


ولا المذيعة اما تقابل الراجل الفنان ومراته في الشارع وتسأل مراته انتي بتحبي
مين من الممثلين تقولها احمد عز يروح البطل اللي جمبها يقول بابتسامه
عريضه وانا كمان (حاجه تشرف )
ولا الممثل نفسه والامثله كتيره يبقي بيتفرج عي العرض الخاص بتاع
الفيلم بتاع مراته ويلاقيها طول الفيلم في حضن البطل وهو
كوووووووووووووووول ولما البطل يبوسها في اخر الفيلم وطول الفيلم كمان تلاقيه وقف بيسقف ومبسوط وبيقول بفخر مبروك يا حبيتي عقبال
الفيلم الجاي .


..


والاب اللي سايب بنته تتعلم وتاخد كل ثقافتها من الافلام العربي والاجنبي .
واللي بيشوف اخته في الجامعه واقفه مع صاحبها وعادي وفي البيت
تسمعه يبقولها يا شوشو هيثم بيتصل عليكي مش دي الرنه بتاعته وهي
تقوله وانت زيزي بعتتلك رساله .حاجه جميله


كفايه ولا اقول كمان


دلوقتي ممكن اعيد سؤال تامر حسني " دا يبقي ايه "
دا يبقي انحلال كل واحد من دول ديوث لا يغير علي اهل بيته ضاعت منه كل معاني الرجوله بل وضاع منه كل شئ
والامثله دي موجوده في مجتمعنا بدون شك واكتر منها كمان .
احنا بقينا كووووووووول علي الاخر نسينا التقاليد وتعاليم الدين ومشينا ورا

شعار مــــتـــبـــقــــــاش خـــنـــــيــــــق

فرفش وخلي اللي حوليك يفرفشوا
علي الدنيا السلامه

وفى الاخر
بقول الله يرحمك يارجولة
وتحيآتىَ
BlackViro
S
الرجوع الى أعلى الصفحة اذهب الى الأسفل
professeur
عضو مجلس ادارة المنتدي
عضو مجلس ادارة المنتدي
avatar

عدد المساهمات : 363
تاريخ التسجيل : 30/09/2009

مُساهمةموضوع: رد: مـتـبـقـآش خـنـيـق   الثلاثاء نوفمبر 24, 2009 7:40 am

موضوع جامد جدا منك يا بلاك

بس ياريت الناس تعمل بيه

عشان الناس خلاص باظت وربا يستر
الرجوع الى أعلى الصفحة اذهب الى الأسفل
 
مـتـبـقـآش خـنـيـق
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
«--(¯`v´¯)--«شباب المنايل»--(¯`v´¯)--» :: المنتدي العام :: قسم التنمية البشرية وتطوير الذات-
انتقل الى: