منافقون بلا حدود

طيب نقول السلام عليكم ورحمة الله وبركاته

كنت راجع من مشوار خاص بيا ( تجهيز ورق الجيش) منافقون بلا حدود Icon_sad

اللي هو واجب وطني

ماعلينا اول منزلت من العربية لقيت لوحة قدامي طولها 2 في 3 متر

مكتوب عليها سلمت لمصر يامبارك

الله بصراحة الوطنية جريت في عروقي وخصوصا اني اصلا من 6 الصبح وانا طالع عين امي في تجهيز ورق الجيش

بس سيبك انت من ده كله احسن حاجة عجبتي في اللوحة كلمة مع تحيات الوحدة المحلية في المنايل

الحقو ياجدعان ده طلع عندنا وحدة محلية واحنا منعرفش

اول حاجة طيب مدام انت موجودة ياوحدة يامحلية في بلدنا امال ايه كل المشاكل دي اللي في قريتنا

ولا انتي مش فالحة غير انك تكتبي لوحات لكل عضو مجلس شعب

بس في الاخر حبت تعلي شوية فكتبت لوحة لرئيس الجمهورية (بتحكها يعني منافقون بلا حدود Icon_biggrin

)

تاني حاجة مش عندنا بس لا تلاقي مثلا محل كبير وعايز يتجامل شوية في الضرايب حاطط صورة الريس

تلاقي مثلا واحد مترشح في مجلس الشعب حاطط صورة الريس جنب صورته طبع علشان اللجنة تشوفه شوية

انا مش هتكلم عن الريس انا بتكلم عن النفاق اللي بقي يجري في عروقنا

بقينا مبنعرفش نعمل اي حاجة من غير نفاق

من اول النادي اللي عايز يقنع المسئولين باي طريقة ان في انشطة عندنا لغاية الوحدة المحلية

اللي عايزة توصل للناس انها بتعمل خدمات

مرورا طبعا بالمدارس الابتدائي اللي مش بتنضف غير لما بيزورها مسئول

نفض ياعم انت هتصدعنا ليه

فاكرين صدام حسين الله يرحمه

قبل مامريكا تحتل العراق مكنش في بيت فيكي كلها ياعراق الا وحاطط صورة صدام

كنت تمشي في شوارع العراق تلاقي صور صدام اكتر من البيوت اللي فيها

كنت فاكر ان مفيش حد فيكي ياعراق بيكره صدام

ولول موقع صدام خد عندك

تماثل بتقع ويتف عليها

صوره بتتداس عليها بالاقدام

امال فين الحب ده كله للرئيس

انا بقول المثل ده مش علشان حاجة لا بس افتكرت مثل سمعته من واحد صاحبي

الدنيا دي زي الخيارة منافقون بلا حدود Icon_biggrin

منافقون بلا حدود %D9%85%D9%86%D8%A7%D9%81%D9%82%D9%88%D9%86

(الْمُنَافِقُونَ وَالْمُنَافِقَاتُ بَعْضُهُمْ مِنْ بَعْضٍ يَأْمُرُونَ بِالْمُنْكَرِ وَيَنْهَوْنَ عَنِ الْمَعْرُوفِ وَيَقْبِضُونَ أَيْدِيَهُمْ

نَسُوا اللَّهَ فَنَسِيَهُمْ إِنَّ الْمُنَافِقِينَ هُمُ الْفَاسِقُونَ (67)) [سورة التوبة، آية:67]

بسم اله الرحمن الرحيم بالنسبه للموضوع اسرار بلدنا والخاص بموضوع منافقون000 فانا عايز اوضح حاجه وهى ان اللوح الى موجود عليها اسم الوحده الذى قام بعملها ليست الوحده المحليه انما الى موجود عليها اسمه اسفل الوحه وهذه اللوحة موجوه فى بعض المناطق

اضافه وهى فبدل ما كان يصرف كل هذا بالكان عليه ان ينفقها على فقراء قريته وشكرا