اين نحن من دايرتك ياعليوة

عبدالله عليوة نائب دايرة الخانكة

عبد الله عليوة مفيش اتنين يختلفو علي انه راجل بجد يعرف ربنا كويس

راجل بيخاف ربنا

راجل طلب كرسي مجلس الشعب علشان عايز يخدم

كلنا سواء اللي انتخب عليوة او لم ينتخبه فرح لما طلعت نتيجة الانتخابات بنجاح عليوة

قولنا عالاقل هنعرف نوصل صوتنا للمسئولين

هنترحم شوية من مية المجاري اللي بنشربها او ممكن الكهربة تبقي خدمة مستمرة في قريتنا

من ساعة من نجح عليوة في الانتخابات واحنا كل يوم نسمع عن انجازات ليه

عليوة يفتتح مشروع جديد في الخانكة

عليوة ينشئ عيادة طبية في كوم السمن

عليوة يقفل مصنع في ابو زعبل تسبب في تسمم الاهالي

عليوة ردم رشاح في سندوة تسبب في جلب الامراض للاهالي

الخ .... الخ

طيب السؤال اللي بحب اساله هي المنايل مش تبع دايرة الخانكة يعني تبع دايرة عليوة

امال فين احنا من دايرتك ياعليوة

ولا هو علشان فيه كام بيت حزب وطني

هههههههههههههه احنا كده بنتاخد في الرجلين دول بياخدونا بذنب دول

حد يجاوبني اشمعنا عندنا وتقف الخدمات

اين نحن من دايرتك ياعليوة 246439493

نيس موضوع لاخ بلاك
موضوع غاية في الروعه
بس حضرتك متفهمش كلامي اني برد علي عبد الله عليوه ولا حاجة من دي
حضرتك اثرت مشكلتين في المنايل
الي هما الكهرباء
والمياة
اولا عايز اقولك حاجه
دول مشاكل الدايرة بحالها
مش المنايل بس
ولا حضرتك شايف ايه
ثانيا عايز اعرف هو مين المسئول الاول عن هذين المشكلتين
اعضاء المجلس المحلي ولا عضو مجلس الشعب
وده ميمنعش انه ليه دور برده لو هما مقموش بدورهم

نيس موضوع منك يا بلاك وده من احسن المواضيع الي انا شوفتها في المنتدي
اين نحن من دايرتك ياعليوة 185845

تستحقها فعلا

نيس يا مان بس انا هقولك الناس دى
داخلة المجلس عشان مصلحتها بس سواء اخوان او حزب وطني او وفد وغيرهم
تستحق ترشح نفسك اين نحن من دايرتك ياعليوة 185845

تسلم ايديك يا بلاك موضوع فى غاية الاهمية ....بس احب اوضح حاجة لحودة ان مشكلة المياه دى مش موجودة الا عندنا احنا والقرى المجاورة بس طبعا مش كلهم ....بالنسبة للكهرباء احنا اكتر بلد بيقطع فيها الكهرباء فى المنطقة طبعا انا مش بقول انا الحاج عبدالله عليوة هو المسئول بس احنا بنقول زى ما عمل لغيرنا يعمل لينا علشان لما يحتاجنا يلاقينا
ونيس موضوع يابلاك ونايس رد يا حودة

اولا :عبد الله عليوه هو نائب الدائرة كلها بجميع بلادها وجميع افراد الدائرة اللي انتخبه واللي مانتخبه علي اختلاف انتماءاتهم الحزبية بدليل ان فيه ناس كانوا معادين له في الحملة الانتخابية كان لهم مشكلة ووصلته وحلها لهم باذن الله

ثانيا : انت كفرد من افراد الدائرة كمثال انسان مثقف ، محاور جيد ، تحب البلد ، وزعلان عليها ، ماذا فعلت ؟

هل ذهبت يوما الي احد مقرات الحاج عبدالله ( مقر الخصوص – مقر القلج – مقر الخانكة ) وقابلته وتحدثت معه عن مشاكل البلد ؟

هل دخلت علي الموقع الخص به ( نحو النور ) علي الانترنت وراسلته بمشكلة البلد ؟

هل قابلت احد من انصار الحاج عبدالله في البلد وتحدثت معه عن مشاكل البلد وكيفية حلها ودور النائب فيها ؟

هل قابلت الحاج حين ياتي الي البلد لتكلمه في هذه المشكلات ( علي فكرة هو بينزل البلد كثيرا ) ولكن يبدوا ان اهل المنايل بيخافوا يتكلموا معاه احسن حد يقول انهم اخوان مسلمين ؟

هذا عن دورك انت والشباب وانا لم اقصد ان احرجك ولكن اردت ان الفت وجهة نظرك لطبيعة اهل المنايل فاخذتك انت كمثال تعرفه

ثالثا : عن خدمات الحاج عبد الله لاهل المنايل :

· اول ما انتهت الانتخابات كان اول ملف يصل الحاج عبدالله هو ملف مياه الشرب والمجاري في الوحدة المحلية ( المنايل – سندوه – كفر حمزة ) فقام الحاج علي الفور

1- بالاتصال بالمجلس المحلي وحدد موعد لحضور الاجتماع ومعرفة مشكلات البلد واخذ ملف المياه والصرف .

2- في الموعد المحدد اتصل الحاج ووجدهم مجتمعين فركب سيارته وحضر وجدهم قد فضوا الاجتماع قبل موعده حتي لا يقابلوه فذهب للوحدة المحلية وتقابل مع رئيس الوحدة ( موظف ) وسأله عن وجود طلبات للوحدة يساعده فيها فكانت الاجابة لا يوجد .

3- تم الحصول علي ملف المياه من احد اعضاء المجلس المحلي بكفر حمزة وتقدم النائب بثلاث طلبات احاطة عن الموضوع كان من اثرها بناء محطة المياه الجديدة التي لم تنته

4- تبين هناك مفاجئات كثيرة في الموضوع ليس هنا مجالها

· مجال الصحة :

1- قام الحاج بزيارة الوحدة الصحية ومستشفي التكامل ووجد اجهزة اشعة بملايين لا تعمل بسبب عدم وجود تجهيزات ووعد بحل المشكلة الا ان المسئوليين رفضوا اعطائه بيانات خوفا

2- لم يطلب احد من اهل البلد قرار للعلاج علي نفقة الدولة ورفض

· في مجال العمالة : اعلن الحاج عن فرص للعمل ولكن لم يتقدم من البلد سوي شابين وسيدة وتم توفير فرصة عمل وتدريب لكل منهم السيدة لم تذهب لظروف خاصة بها . في حين ان هناك بلد مجاورة تم تشغيل اكثر من 30 فرد وهناك سيارة تحملهم لمكان العمل من المصنع يوميا

· في مجال العلم :

i. يتم كل عام تكريم المتفوقين من الشهادات العامة

ii. كما تم تكريم العلماء من حملة الدكتوراه في البلد

iii. كما يتم تكريم حفظة القران الكريم في شهر رمضان سنويا

· في المجال الاجتماعي لا يترك الحاج مناسبة يعرفها ولا يشارك فيها سواء عزاء او زيارة مرضي

· اتصل بنا احد الفلاحيين يشتكي من جفاف الترعة وتم الاتصال بالحاج في اليوم التالي كانت الترعة مملوءة بالمياه ( اكثر من مرة )

· كانت هناك زبالة وحيوانات نافقة امام مسجد الرحمة قام احد افراد البلد من غير انصار النائب بالاتصال به في اليوم التالي كانت السيارات والبلدوزر يحمل هذه الاشياء

· مسجد النصر كتب طلب لاعادة بناء المسجد علي حساب الاوقاف تم احضار تاشيرة المحافظ علي الطلب وسلم لمجلس ادارة المسجد

كل هذه اعمال ولكن الناس بتخاف لا ادري لماذا

اما عن اعمال النائب في البرلمان فارجوا ان تدخل الموقع لتعرفها
منذ متي ونحن نسمع ان نائب الخانك يتكلم في المجلس
من الذي كشف رسالة اللحوم المستوردة الفاسدة ؟
من الذي كشف مرور السفينة الملوثة بالقناة ؟
من الذي كشف تصدير الغاز للكيان الصهيوني ؟
من الذي كشف رسالة القمح الفاسدة ؟

السلام عليكم ورحمة الله

نحن هنا نتناقش للاقناع وليس لاثبات وجهة نظري عرضت فكرة عامية كثير منا يود ان يناقشها وتفضلت ورديت بكثير من الحقائق والادلة ليس معني ان اطرح موضوع اني لا احب هذه الشخصية ولكني اطرحها حتي يظهر من يعرفني الحقيقة من يستطيع ان يقنعني كما فعلت بارك الله فيك وحسبنا الله ونعم الوكيل فيمن كان سبب لوصول قريتنا لهذا الحد من الاهمال يعني مش عايزين يرحمو ولا يخلو رحمة ربنا تنزل

]b]وعليكم السلام
رحمة الله لا يستطيع احد ان يمنعها
والخير قادم طالما يوجد شباب يعرف ربنا ويخاف علي بلده
اذا الشعب يوما اراد الحياة فلابد ان يستجيب القدر
ولابد لليل ان ينجلي ولا بد للقيد ان ينكسر

فلا تيأس لانه مهما طال الليل لا بد من طلوع الفجر [/b]

تحيا الحزب الوطنى

google_protectAndRun("ads_core.google_render_ad", google_handleError, google_render_ad);
اين نحن من دايرتك ياعليوة 44535_57m

لااعلم عن الاخوان غير انهم لايعملون الا من اجل السلطة
لذلك فلااؤيد الاخوان ولكن اؤيد الحزب الوطنى والكل يعلم من هو الحزب الوطنى ويعلم من مؤسسه الزعيم الوطنى الذى لم يكن يرجو السلطة الوطنى مصطفى كامل اتقوا الله